E enjte, 21 Janar, 2021
5 C
Tirana

Humb jetën një mjek amerikan, dyshohet se vdiq pasi bëri vaksinën anti-Covid

Javët e fundit, një prej çështjeve më të diskutuara është bërja e vaksinës kundër koronavirusit. Ka shumë nga ata persona që janë kundër vaksinimit, pasi janë të frikësuar nga efektet anësore që mund të ketë, ose nga problemet që mund të sjellë me vonë.

Ditën e sotme në Majami, SHBA, një mjek ka humbur jetën vetëm disa javë pasi ka marrë dozën e parë të vaksinës kundër virusit.

Gregory Michael i cili kishte punuar për 15 vitet e fundit si obstetër gjinekolog ndërroi jetë, dy javë pasi mori vaksinën e Pfizer / BioNTech. Drejtori operacional i Ekzaminuesit Mjekësor, David Caprara, tha se vdekja po hetohet në bashkëpunim me Departamentin e Shëndetësisë në Florida dhe Qendrën për Kontrollin dhe Parandalimin e Sëmundjeve, CDC. Edhe pse ende nuk është konfirmuar se shkaku i vdekjes ishte vaksina, kjo është mundësia e cila po hetohet hollësisht.

Kjo ngjarje ka vënë në lëvizje edhe kompaninë Pfizer, e cila ka filluar gjithashtu hetimet e veta.

“Nuk besojmë se ka lidhje direkte me vaksinën. Nuk ka pasur asnjë të dhënë gjatë testeve klinike ose gjatë administrimit të deritanishëm me vaksinën “mRNA”. Miliona vetë janë vaksinuar dhe po monitorojmë nga afër të gjithë individët që marrin vaksinën tonë. Është e rëndësishme të theksojmë se ngjarje të tilla të pafavorshme, si vdekje që nuk kanë lidhje me vaksinën, do të ndodhin në të njëjtin raport si në popullatën e përgjithshme”, ka qenë kjo deklaratë e dhënë nga kompania.

Po rasti i mjekut amerikan nuk ka qenë i vetmi i cili ka vdekur pak javë pasi ka bërë vaksinën, sepse javën e kaluar, një punonjëse shëndetësie në Portugali humbi jetën pasi kishte marrë gjithashtu dozën e parë të vaksinës kundër koronavirusit.

Lexo edhe :   Rritet numri i viktimave në Kosovë, 294 raste të reja me koronavirus
Lexo edhe :   Rritet numri i viktimave në Kosovë, 294 raste të reja me koronavirus

Edhe raste të të moshuarve që kanë humbur jetën pasi kishin marrë dozën e parë të vaksinës, janë raportuar  në Zvicër, Izrael, Itali dhe Norvegji, por në asnjë rast nuk është konfirmuar lidhja e drejtpërdrejtë mes vaksinës dhe vdekjes.

- Reklama -

Më shumë nga kategoria




Të fundit

Video/ Ronaldo shkruan historinë, Juventus fiton Superkupën e Italisë

Cristiano Ronaldo ka shkruar sonte historinë e futbollit botëror pasi u bë golashënuesi më i mirë i të gjitha kohërave pasi shënoi për Juventusin...

Bajernit i mjafton një penallti për të mbajtur kreun, Lajpcig bën detyrën

Mjaftoi një penallti në minutën e 13-të për t’i dhënë Bajernit fitoren e dytë radhazi. Robert Levandovski nuk gaboi nga pika e bardhë e...

Vetëvendosja garon në zgjedhjet e 25 prillit, nesër prezanton kandidatët e parë

Lëvizja Vetëvendosje në Tiranë do të marrë pjesë në zgjedhjet parlamentare të 25 prillit. Ditën e nesërme, më 21 janar kjo forcë politike do të...

I përqafuar me bashkëshorten, Joe Biden mbërrin në Shtëpinë e Bardhë

Joe Biden ka mbërritur në Shtëpinë e Bardhë, ku do të fillojë orët e para të punës si President i SHBA, me firmosjen e...

Çfarë duhet të dini mbi historinë e Ditës së Përurimit të presidentit amerikan

E para Ditë e Përurimit në detyrë e presidentit të Shteteve të Bashkuara, ishte 30 prilli i vitit 1789, gjatë betimit të presidentit Xhorxh...