Foto Galeri

Ja ku shkoi Haradinaj pas dorëheqjes si kryeministër (foto)

               Publikuar në : 22:22 - 19/07/19 M. S

Pasi ka dhënë dorëheqjen sot nga posti i kryeministrit të Kosovës, Ramush Haradinaj është parë në qendër të Prishtinës duke konsumuar një kafe. Haradinaj është parë më i qetë, pas emocioneve që kishte shfaqur në konferencën për media pas mbledhjes së Qeverisë së Kosovës.

Kryeministri i Kosovës dha dorëheqjen, pasi një gjykatë për krimet e luftës në Hagë e thirri atë për t’u marrë në pyetje si i dyshuar.

Haradinaj shërbeu si komandant rebel në konfliktin e Kosovës, 1998-1999, që përfundimisht çoi në shpalljen e pavarësisë së Kosovës.

Ai tha se dha dorëheqjen në mënyrë që të mund të ndiqte çështjen në gjykatë, si një qytetar i zakonshëm. “Kam marrë një thirrje nga gjykata speciale si një i dyshuar, dhe mu ofrua të shkoja si kryeministër ose si qytetar i zakonshëm i Kosovës”, u tha ai gazetarëve, duke shtuar: “Unë zgjodha këtë të fundit”.

 

Kthehu
WhatsApp Denonco ne TT