Bota

Ja cilët janë 10 trenat më të shpejtë sot në botë


               Publikuar në : 13:55 - 11/01/20 B H

Trenat nuk mund të fluturojnë mbi oqeane si avionët. Por ata mund të ecin thuajse po aq shpejt sa edhe avionët e pasagjerëve. Ja cilat janë 10 trenat më të shpejtë sot në botë.

  1. THSR 700T, Tajvan. Shpejtësia:300 km/h

Ky tren hyri në shërbim në janar të vitit 2007, dhe lidh Taipei City dhe Kaohsiung. Ky lloj treni ka gjithsej 12 vagona. Ai ka një sistem me shumë motorë, 9-12 të tillë. Ai arrin shpejtësinë maksimale në vetëm 15 minuta. Treni ka një klasë të vetme biznesi, dhe 11 vagona të klasit standard.

  1. ETR 500 Frecciarossa, Itali. Shpejtësia:300 km/h

Është linja më e shpejtë hekurudhore në Itali, dhe lidh mes tyre qytetet Milano, Roma dhe Napoli. Një tren “Frecciarossa” ka 4 vagona kryesorë:klasin standard, klasin premium, klasin e biznesit dhe klasin ekzekutiv. Vagonat e këtij treni janë të papërshkueshëm nga zhurmat, sdhe ofrojnë falas Wi-Fi .

  1. SNCF TGV Duplex, Francë. Shpejtësia:320 km/h

Ky tren e filloi shërbimin në dhjetorin e vitit 2011,dhe lidh të gjitha qytetet kryesore në Francë. Është një nga trenat më të komodë në Evropë, dhe ka një kapacitet prej 508 pasagjerësh. Kompania ka përdorur alumin të cilësisë të lartë, për të ulur peshën e vagonave, të cilat ndahen në 3 kategori.

  1. Alstom Euroduplex, Francë. Shpejtësia:320 km/h

Ky tren që lidh rrjetin hekurudhor francez, zviceran, gjerman dhe atë luksemburgas, nisi shërbimin në dhjetorin e vitit 2011. Ai mund të transportojë deri në 1020 pasagjerë. Në dallim nga 2 gjeneratat e mëhershme, trenat Euroduplex kanë më pak peshë, dhe kanë një aerodinamikë shumë të përmirësuar.

  1. Seria E5 Shinkansen Hayabusa, Japoni. Shpejtësia:320 km/h

Ky është treni me i shpejtë sot në Japoni sot. Ai lidh kryeqytetin Tokio dhe qytetin e Aomorit. Vagoni i makinistit, ka një hundë 15 metra të gjatë. Ky dizajn e ndihmon të minimizojë zhumat dhe dridhjet, kur treni kalon nëpër tunele.

  1. Talgo 350, Spanjë. Shpejtësia:350 km/h

Ky tren lidh qytetet e Madridit dhe Barcelonës. Ai ka dy vagonë në drejtim, dhe 12 vagonë pasagjerësh. Ai njihet në Spanjë edhe si “Pato”, për shkak të pjesës ballore si sqepi i një shpendi. Kjo për të përballuar më mirë valët e presionit. Kapaciteti maksimal është 350 pasagjerë, të ndarë në 4 klasa.

  1. Siemens Velaro E/AVS 103, Spanjë. Shpejtësia:350 km/h

Edhe ky tren lidh Barcelonën dhe Madridin, një udhëtim që e përshkon në vetëm 2 orë e 30 minuta. Hekurudha spanjolle, nisi të fusë në përdorim trenat e shpejtësisë të lartë Velaro E që në vitin 2001. Kapaciteti i këtij treni është 404 pasagjerë.

  1. AGV Italo, Itali. Shpejtësia:360 km/h

Është është treni më i shpejtë sot në Evropë. Nisi shërbimin në prill të vitit 2007. Ai operon midis Romës dhe Napolit. AVG Italo ka një strukturë të shkëlqyer miqësore me mjedisin, dhe 98 për qind e pjesëve të tij janë të riciklueshme.

  1. Harmonia CRH 380A, Kinë. Shpejtësia:380 km/h

Ky tren hyri në shërbim në tetor 2010, në linjën Shangai-Nanjing. Treni është veshur me alumin për të ulur peshën, por edhe për të zvogëluar presionin aerodinamik. Pavarësisht shpejtësisë së lartë, ai nuk dridhet gjatë ecjes. Kapaciteti i tij është 494 pasagjerë.

  1. Shanghai Maglev, Kinë. Shpejtësia:431 km/h

Është treni më i shpejtë në botë. Ai nuk ka rrota, por qëndron pezull dhe lëviz falë fushës magnetike që ekziston midis trenit dhe shinës. Shanghai Maglev, mund të arrijë shpejtësinë e tij maksimale brenda 4 minutash. Ajo operon midis Long Yang Road dhe aeroportit ndërkombëtar Pudong. Një biletë në kategorinë VIP, kushton 16 dollarë amerikanë./TIRANA TODAY

Kthehu
WhatsApp Denonco ne TT