Banorët në Itali po jetojnë të izoluar nga koronavirusi, e ndërsa numri i të infektuarve po njeh shtrirje. Ndër masat e para të marra nga Italia, ishte kufizimi i banorëve, kjo për të izoluar përhapjen e koronavirusit vdekjeprurës.
Shumica e infeksioneve deri më tani janë njoftuar në veri të Italisë. Ndaj qeveria ndërmori masa të forta: qytete të tëra u rrethuan, duke u shpallur zona të rrezikut.
Ekspertët mbeteshin me shpresë se situata do të përmirësohej, por për fat të keq, grafiku pasqyron një tjetër realitet. Pas të dhënave të ditës së djeshme mbi numrin e të infektuarve, Komiteti Shkencor pranë qeverisë Conte ka hartuar rregulla të reja dhe radikale, për t’ju përgjigjur përhapjes së koronavirusit.
Nga sot, eventet sportive do të zhvillohen me dyer të mbyllura. Distanca e sigurisë mes njerëzve duhet të jetë të paktën 1 metër. Duhet të eleminohen kontaktet fizike gjatë përshëndetjeve; si takimi i duarve, puthjet dhe përqafimet. Ndërsa personat mbi 65 vjeç duhet të reduktojnë në maksimum daljen në rrugë.
Autoritet sqarojnë më tej se për të moshuarit do të ishte më mirë që ata të shmangnin udhëtimet, vendet e populluara.
Të gjitha rekomandimet janë të vlefshme për të paktën 30 ditë, por nuk janë të detyrueshme. Kërkuesit dhe qeveria mbeten me shpresë se do të vihen në praktikë nga italianët.
