Aktualitet

“Iu është lutur mos ta lëndonin”, flet bashkëshorti i 50-vjeçares që u ekzekutua


               Publikuar në : 13:27 - 15/01/20 B H

Hair Saliaj, bashkëshorti i Drita Saliaj, ka reaguar për herë të parë pas vrasjes makabre të gruas së tij.

I ftuar në emisionin “Me Zemër të Hapur”, Saliaj tha se bashkëshortja e tij iu është lutur 3 djemve që mos ta vrisnin. Ai shton se nuk ka marrë asnjë të dhënë në polici në lidhje me këtë ngjarje.

“Jemi shokuar shumë. Jemi tronditur shumë rëndë se është një tragjedi që mund të jetë e para në vendin tonë por edhe në rajon, se ka pasur edhe ngjarje të rënda si ajo e Fierit para disa vitesh , por kjo është masakruar, torturuar dhe unë skam marrë asnjë të dhënë në polici, por e kanë lidhur dhe e kanë hedhur të gjallë në makinë. Ajo është lutur vetëm mos më vrisni”, tha ai.

Hair Saliaj u pyet edhe në lidhje me marrëdhëniet që kishte me familjen e vëllait të tij, biri i të cilit, Luisi ishte pjesë e atentatit që iu bë gruas. Ai pohoi se asnjë nga familja e Luisit nuk ka marrë pjesë në varrim. Ndërsa sa i përket marrëdhënieve me familjen e vëllait ai u përgjigj prerë: “Secili në punën e vet”.

Sipas dosjes së Prokurorisë, bashkëshortja e tij e ndjerë është përdhunuar para se të torturohej e të mbytej.

Shfaq Komentet (0)

Shkruaj nje koment

Kthehu
WhatsApp Denonco ne TT