Italia Veriore është përfshirë nga paniku, për shkak të përhapjes së koronavirusit në këtë rajon.
Deri më tani raportohet se janë infektuar 60 persona, ndërsa janë shënuar edhe 2 viktimat e para. 46 prej të infektuarve janë shënuar në Lombardi, ndërsa 12 në Veneto.
Ndërkohë është regjistruar edhe rasti i parë i infektimit në qytetin e Milanos. Mediat italiane thonë se bëhet fjalë për një person që banon në Sesto San Giovanni, i cili aktualisht është shtruar në spital në San Raffaele.
Koronavirusi po përhapet me hapa të frikshëm në shumë vende të botës, teksa deri më tani janë shënuar rreth 78 mijë raste me këtë virus. Ndërsa numri total i viktimave të shkaktuara nga ky virus ka shkuar në 2,362.
