Një zjarr i madh që përfshiu një apartament në Servigliano të Italisë, ka lënë të vdekur një vajzë 6-vjeçare me origjinë shqiptare.
Mediat italiane shkruajnë se ngjarja u regjistrua rreth orës 3 të mëngjesit, ndërsa ishte mamaja ajo e cila kishte ndjerë tymin dhe ishte zgjuar.
Gruaja mori njërën nga vajzat me vete dhe e nxori jashtë, por kur u kthye për vajzën e madhe flakët bllokuan kalimin duke mos e lejuar të kalonte. Ndërkohë mësohet se bashkëshorti i saj nuk ndodhej në shtëpi në ato momente.
“U zgjova nga tymi dhe shkëlqimi i flakëve, por zjarri tashmë kishte përpirë pjesën më të madhe të shtëpisë. Munda të marrë me vete vetëm vajzën më të vogël. Ne po flinim së bashku në të njëjtin shtrat. Pasi vajza më e vogël u shpëtua, u ktheva për të marrë vajzën tjetër. Kishte shumë tym, nuk më linte të merrte frymë dhe nxehtësia më digjte lëkurën. Pastaj, për fat të mirë, karabinierët arritën, pastaj zjarrfikëset, të cilët arritën ta nxjerrin fëmijën tim jashtë”, tha ajo.
Vajza tjetër nuk arriti të mbijetojë por mamaja e saj nuk e di akoma këtë gjë. Nëna do ta mësojë këtë më vonë në spital në praninë e psikologut.
Babai kosovar dhe nëna bullgare të dy 38 vjeç ishin shpërngulur bashkë me dy fëmijët e tyre pak muaj më parë në Servigliano.
