Një 56-vjeçar është arrestuar nga policia e Fierit. Bëhet fjalë për shtetasin me iniciale A.I., i cili ishte shpallur në kërkim ndërkombëtar, pasi akuzohet për veprat penale “Krim i organizuar”, “Blerje, posedim, shpërndarje dhe shitje e paautorizuar e narkotikëve të rrezikshëm”.
Po ashtu, gjatë këtij operacioni përfundoi në pranga edhe djali i tij, teksa po qëndronte në ambientet e një lokali. Nga kontrolli personal i ushtruar, 33-vjeçarit iu gjet një armë zjarri pistoletë, një krehër me 15 fishekë dhe një mjet prerës (biçak), të cilat iu sekuestruan në cilësinë e provës materiale.
Arrestimi i 56-vjeçarit u krye pasi Gjykata Themelore në Prishtinë ka dërguar urdhër-arresti.
Materialet hetimore i kaluan Prokurorisë pranë Gjykatës së Shkallës së Parë Fier, në ngarkim të 33- vjeçarit A. I., për veprën penale “Armëmbajtja pa leje”.
