38 shkolla në Tiranë, Durrës dhe Krujë janë të papërshtatshme për mësim, si pasojë e dëmtimeve që kanë marrë nga tërmeti i datës 26 nëntor.
Ndër to, 8 prej tyre janë në Tiranë. Për arsye sigurie, ato nuk do të hapen për nxënësit as javën e ardhshme. Sipas informacioneve paraprake, ekspertët thonë që kthimi i fëmijëve në këto ambiente përbën rrezik.
Nga ana tjetër, Ministria e Arsimit ka hartuar një listë me shkollat e dëmtuara dhe ka ofruar zgjidhje të përkohshme, deri sa të jenë të gatshme ndërtesat e dëmtuara. Nxënësit e shkollave të dëmtuara do të shpërndahen nëpër shkollat që janë në afërsi.
I tillë është rasti i gjimnazit “Sami Frashëri”, që ka pasuar dëmtime të mëdha në katin e tretë pas rënies së tavanit. Nxënësit e kësaj shkolle tashmë do të bëjnë mësim te “Qemal Stafa dhe “Sinan Tafaj”.
Lista e shkollave të dëmtuara dhe shkollat ku do të bëhet mësimi përkohësisht
Emri i shkollës Shkolla Pritëse
“Sami Frashëri” “Qemal Stafa” dhe “Sinan Tafaj”
“16 Shtatori”, Pezë Godinë e gjetur
Kopshti Tufinë “Pal Engjëlli”
Shkolla Pajun Ambient me qira
Pezë e Vogël “Seit Brahja”
“Lasgush Poradeci” “Myslym Keta”
“Murat Toptani” “26 Nëntori”
“Musine Kokalari” “Betim Muço”/
