Kryeministri Edi Rama mbrëmjen e sotme nga studioja e “Opinion” komentoi reagimin e Presidentit të Francës Emmanuel Macron lidhur me negociatat.
Kujtojmë se Macron nuk ishte dakord që të çeleshin negociatat për dy vendet pasi sipas tij BE duhet fillimisht të zgjidhë problemet e brendshme të saj. Rama theksoi se Presidenti i Francës bën politikë të brendshme.
“Franca nuk ka asnjë lidhje me Maqedoninë e Veriut apo me Shqipërinë në vetvete, por ka lidhje me një qasje komplet tjetër. Franca ka bllokuar edhe hapjen e kapitujve për Serbinë dhe Malin e Zi. Presidenti i Francës bën politikë të brendshme. Ato bishtat me azil janë për audiencën në Francë. Nuk kanë lidhje fare me procesin e negociatave. Azilkërkimi është një instrument për të fituar kohë në funksion të gjetjes së një pune”, deklaroi Rama.
