Pak ditë më parë në mediat maqedonase qarkulloi lajmi se këngëtari Shpat Kasapi ishte arrestuar, pasi ishte kapur me dy doza kokaine me vete. Më pas ishte lënë i lirë për t’u gjykuar nga gjykata.
Në fakt ky lajm u mohua menjëherë nga vetë këngëtari, ku përmes një reagimi në rrjetet sociale shkruante se ndodhej në Tiranë. Ai po realizonte xhirimet për një spektakël për natën e ndërrimit të viteve.
Shpat Kasapi është shkarkuar nga posti që mbante në qeveri, si këshilltar i zëvendëskryeministrit të Maqedonisë së Veriut, Artan Grubi.
Ditën që u publikua lajmi se ishte kapur me lëndë narkotike ka qenë në Tiranë, për të marrë pjesë në regjistrimin e emisionit festiv “Soiree” me Jonida Shehun në ABC.
Emisioni që ishte një maratonë e gjatë festive, u transmetua mbrëmjen e 1 janarit dhe askund nuk u duk Shpat Kasapi, veçse në fund teksa po shfaqeshin prapaskenat nga emisioni.
Shpat Kasapi në videon e backstage shfaqet teksa po bënte grimin, për t’u bërë gati për regjistrimin e emisionit. Por ai është larguar nga studio e Abc-se, 5 minuta para se ai të futej në skenë me justifikimin se duhej të largohej me urgjencë dhe se nuk ishte në gjendje të fliste për momentin.
