Dosja në ngarkim të ish-ministrit të Brendshëm Saimir Tahiri, do të vazhdojë procesin gjyqësor me kryesues të trupit gjykues Ilir Pandën dhe dy anëtarët Sokol Sadushi dhe Ervin Pupe.
Kjo dosje ishte hedhur gabimisht në short së bashku me 42 çështje të tjera, pasi në bazë të ndryshimeve të reja ligjore, e njëjta trupë gjykuese që ka vendosur në dhomë këshillimi, kalimin e dosjes për gjykim në Gjykatën e Lartë duhet të vazhdojë edhe procesin gjyqësor.
Shorti kishte përcaktuar Sandër Simonin si kryesues të seancës. Sipas një vendimi të gjykatës të datës 6 qershor është rregulluar gabimi, si për dosjen Tahiri ashtu dhe për të tjerat.
