Ish-drejtoresha e “hekurt” e Drejtorisë së Tatimeve, Briseida Shehaj, prej kohësh ka lënë mënjanë politikën. Ajo është pjesë e televizionit, dhe për herë të parë ka zgjedhur që të rrëfejë çfarë ndodhi që ajo u largua nga posti që mbante.
Në emisionin ‘Tempora’, Shehaj tha se arsyet e largimit të saj duhet ti tregojë vetë kryeministri Rama. Ajo deklaroi publikisht se nuk e kanë shkarkuar, por ishte një vendimmarrje e saj për tu larguar.
“Deri në momentin e caktuar që idetë e tua janë pjesë e një ekipi, deri në momentin që ti e gjen veten pjesë të atij ekipi, më pas largohesh. Mua nuk më largoj, nuk më hoqi njeri. Ishte një vendimarrje e imja për tu larguar, sepse nuk e ndjeja më veten pjesë të atij ekipi. Dorëheqja ime ka qenë një histori shumë e bukur, por që nuk më takon mua ta them. Nuk preferoj të flas sidomos për diçka që ka ndodhur mes meje, kryeministrit apo asaj pjesë të administratës. Në qoftë se do të dojë ndonjë ditë kryeministri ti përgjigjet këtyre pyetjeve, është i lirë nga unë, ka leje të tregojë të gjithë të vërtetën”.
Je një e penduar e Rilindjes?
“Jo, s’kam pse të jem e penduar. Unë kam bërë një punë që unë e gjykoi shumë të mirë. Jam e gatshme të përballem me këdo për çdo shifër, për çdo gram të atij institucioni. Unë i mbaj mend edhe sot, sepse unë punoja nga ora 8 e mëngjesit deri në 3 të natës. Kam bërë më të mirën e mundshme, kjo ishte më e mira e imja. Do isha penduar po të kisha bërë ndonjë gabim. Unë nuk kam bërë asnjë gabim, nuk kam bërë asnjë faj”.
