Ish-deputetja e qarkut Dibër në Partinë Demokratike, Dhurata Çupi, ka treguar se qytetarët e Dibrës do të mblidhen këtë të enjte tek Ura e Matit, me qëllim paralizimin e qarkullimit rrugor, si shenjë proteste ndaj qeverisjes.
“Ashtu siç e ka bërë të ditur kryetari i PD, Basha dhe opozita e bashkuar, është vazhdimi i protestave në 12 qarqet e vendit që nga 12 shkurti , të cilat janë protestat më të mëdha qe ka njohur historia e protestave në Shqipëri si ajo e 13 prillit ku dhe me skeptikët nuk e kanë mohuar që ishte protesta me e madhe e zhvilluar në vendin tonë.
Qytetarët nuk dalin në tubim, por dalin në një protestë kundër kësaj qeverie , kundër varfërisë, për paga , për pensione për mungesë investimesh dhe për një mungesë të theksuar vëmendje kundrejt gjithë Shqipërisë ne veçanti kundrejt qarkut Dibër, që është lënë i harruar nga kjo qeveri , si në spitale , në infrastrukture etj. Sikur është bërë publike çdo të enjte do ketë protesta dhe bllokim rrugësh”, tha ajo.
Çupi, shprehet se qytetarët e Dibrës janë harruar nga kryeministri Rama, ndërsa shtoi se me datë 30 qershor nuk do ketë zgjedhje pa Partinë Demokratike dhe pa opozitën e bashkuar.
“PD është opozita shqiptare dhe nuk mund të ketë zgjedhje me një alternativë. Që të zgjedhësh duhet të këtë dy alternativa dhe alternativa opozitare. Sot në Shqipëri është Partia Demokratike. Ashtu siç ka ditur dhe siç ka qenë në pushtet për 13 vite, ashtu është e sigurte që do jetë në pushtet në vitet që vijnë”, deklaroi ish-deputetja.
