Ish-deputeti demokrat, Tritan Shehu është shprehur se kryeministri Edi Rama u shfaq sot në krah të presidentit serb, Aleksandar Vuçiç. Sipas tij, Rama fajësoi Kosovën për marrëdhënien me Serbinë dhe goditi rëndë historinë tragjike të Kosovës.
Ndër të tjera, Shehu theksoi se kreu i qeverisë i rekomandoi Kosovës “ilaçin shërues” që sipas ish-deputetit është të “gëlltisë idenë e fajësimit të shqiptarëve për masakrën e Reçakut”.
“Rama sot ne krah te Vuçiç fajeson Kosoven per marrëdhëniet me Serbine e i rekomandoi asaj “ilacin sherues”, qe siç duket nen kupton gelltitjen nga ajo te idese neo millosheviciane te fajësimit te shqiptareve edhe për Masakren e Recakut!
Një qëndrim makbethian ky, qe ai mbajti sot ne ate konference shtypi, kur jo vetem nuk beri as dhe me te voglin objeksion ndaj Vuçiçit, qofte edhe per ate shprehjen e para pak ditesh e cinike te tij, por duke marre pozat e “babait te kombit”, ne esence goditi rende Kosovën e historine e saj tragjike.
Ne marrëdhëniet me Serbinë nuk është Kosova, qe duhet te ndjeke qorrazi Ramën edhe ne absurditetet e paradokset e tij, përkundrazi është Shqipëria, Shteti ynë qe duhet te ndjeke Kosoven e te kondicionoje marrëdhëniet tona me Beogradin ne shume elemente, sipas “barometrit” kosovar”, nënvizoi Shehu.
