Ish-deputeti Aldo Bumçi ka thënë se e vetmja mënyrë se si Rama të rregullojë imazhin e vendit, është duke u larguar. Këtë deklaratë, ish-deputeti e bëri në emisionin “360 Gradë”.
“Edi Rama ka një mënyrë se si mund ta pastrojë imazhin e Shqipërisë, është duke u larguar. Nuk është kërkesë, është zgjidhje. Ka 6 vite në qeverisje dhe nuk mund të akuzojë të tjerët. Nuk shkon më, fajin e ka Berisha. Dy vitet e fundit, qeveris pa aleat. Jo se e penguan aleatët, por këto dy vite po qeveris i vetëm. Ky njeri ka prodhuar një vend ku njerëzit janë larguar për frymë më shumë se sirianët. Si ka mundësi që shqiptarët të largohen si përqindje popullsie më shumë se sirianët?!”, tha Bumçi.
