E mërkurë, 22 Shtator, 2021
14.5 C
Tirana

Shqiptarët, të parët në Greqi për marrjen e shtetësisë. Ja nga kush ndiqen

Emigrantët shqiptarë në Greqi përbëjnë numrin më të lartë të të huajve që kanë marrë shtetësinë greke gjatë vitit 2017.

Të dhënat e publikuara së fundi nga Agjensia Europiane e Statistikave, EUROSTAT dhe që pasqyrohen gjerësisht në mediat greke tregojnë se 86,8 për qind e rreth 34,305 personave që morën shtetësinë greke në vitin 2017 ishin qytetarë shqiptarë, 1,3 për qind ukrainas dhe 1,1 për qind nga Moldavia.

Sipas të dhënave europiane lëshimi i shtetësisë në vitin 2017 ishte në Greqi 3 për qind më lartë se në vitin 2016. Në qershor të vitit 2015, Greqia votoi me konsenus të gjerë ndërpartiak ligjin për dhënien e nënshtetësisë fëmijve që lindin e rriten në Greqi. Sipas të dhënave greke nga viti 2016, që filloi zbatimi i legjislacionit deri më sot, 66 mijë të rinj e të reja kanë marrë nënshtetësinë greke.

Analistët vlerësojnë se një pjesë jo e vogël e emigrantëve shqiptarë që qëndrojnë prej vitesh në Greqi kanë synuar marrjen e shtetësisë greke për t`u bërë qytetar i një vendi të Bashkimit Evropian. Kështu, pas krizës ekonomike që mbërtheu Greqinë, ata e kanë pasur më të lehtë të emigronin drejt Britanisë dhe vendeve të tjera të BE-së. Në këto vende emigrantët shqiptarë janë pajisur lehtësisht me leje pune dhe kanë arritur të përfitojnë nga tarifat e shkollimit për fëmijët që për shtetasit europianë janë shumë më të ulta në vendet e BE-së në krahasim me ato për shtetasit nga vendet e Ballkanit Perëndimor.

Sipas Eurostat në vitin 2017, më shumë se 825,000 persona fituan shtetësinë e një shteti anëtar të Bashkimit Evropian, krahasuar me 995,000 në vitin 2016 dhe 841,000 në vitin 2015. Nga numri i përgjithshëm rreth 17 për qind ishin shtetas të një vendi anëtar të BE-së, dhe shumica ishin shtetas të vendeve jo-anëtare të BE-së ose personat pa shtetësi. Qytetarët shqiptarë në vitin 2017 u renditeë të dytët me 58,900 persona, 97 për qind e të cilëve e kanë fituar shtetësinë në Greqi ose Itali ndërsa grupi më i madh për marrjen e shtetësisë e një vendi anëtar të BE-së, ishin shtetasit e Marokut (67, 900 persona, nga të cilët 83 për qind e kanë fituar shtetësinë në Itali, Spanjë apo Francë). /VOA

- Reklama -

Më shumë nga kategoria




Të fundit

Për një parlamentarizëm antimafie, antikorrupsion

Nga: Pëllumb Nako Parlamenti filloi punimet nën një normalitet absolut. Sigurisht, u krijuan edhe komisionet përkatëse, të njëjtë si të viteve e dekadave më parë....

Alternime kthjellimesh dhe vranësira. Nesër priten teshje shiu të izoluara

Ditën e merkurë, vendi ynë pritet të jetë nën ndikimin e masave ajrore relativisht të paqëndrueshme. Moti parashikohet me alternime kthjellimesh dhe vranësira. Reshje shiu...

Artan Hoxha: Mund të arrestohen ish-kryeministra e ish-presidentë

Ambasadorja e SHBA-së në Tiranë Yuri Kim ka zhvilluar së fundmi një takim me 15 prokurorët e SPAK, ku ka përçuar mesazhe të rëndësishme....

Lajçak i shqetësuar për situatën në veri të Kosovës

Përfaqësuesi i BE për dialogun Kosovë-Serbi, Miroslav Lajçak, ka thënë se ka njoftuar vendet e BE-së për situatën në veri të Kosovës. Me anë...

Kurti takim me ambasadorët e QUINT-it, zbulon vendimin e fundit

Kryeministri Albin Kurti ka pritur sot në takim ambasadorët e vendeve të QUINT-it, ku është diskutuar lidhur me reciprocitetin e targave me Serbinë. Kurti...