Koronavirusi është kthyer në ‘moll’ sherri mes Iranit dhe SHBA. Kryegardisti i Iranit ka kërcënuar Amerikën, duke ia deleguar fajet se po bën sulm biologjik. Kreu i gardës revolucionare të Iranit, Hossein Salami, deklaroi se SHBA-të mund të jenë fajtori kryesor për epideminë e koronaviruesit, duke kërcënuar se virusi në fund do t’u kthehet atyre që e nxorën atë.
Salami pretendon se pasi e ka krijuar armën biologjike, Amerika fillimisht e ka shpërndarë në Kinë, në Iran dhe më pas në pjesën tjetër të botës. Gjatë deklaratës së tij, kryegardisti u zotua se Irani do ta luftonte virusin, duke i paralajmëruar se sëmundja do t’u kthehej pas në SHBA.
Po kështu, Shefi i Organizatës së Mbrojtjes Civile të Iranit, gjeneral Gholam Reza Jalali, ka thënë më herët se medikamentet e frikës për koronavirusin po u shtojnë dyshimet se virusi është një sulm biologjik ndaj Kinës dhe Iranit.
Më shumë se 3.300 njerëz kanë vdekur globalisht dhe mbi 97.800 janë infektuar me koronavirus që prej fillimit të shpërthimit në Kinë, në dhjetor 2019, sipas raporteve të CNN.
Më shumë se 17.300 prej këtyre rasteve janë nga jashtë Kinës, në 85 vende.
