Pas reportazhit të transmetuar nga televizioni italian RAI, ku tregohej se si bliheshin zgjedhjet me paratë e drogës, ka reaguar deputeti i dorëhequr i LSI-së, Përparim Spahiu.
Ky i fundit shkruan se këto janë fakte që i dinë të gjithë shqiptarët, ndërsa shton se reportazhi i TG2 është mesazh për të gjithë ata që ai quajti burokratë dhe eurodeputetë të cilët mbrojnë qeverinë aktuale.
Sipas deputetët që është në pritje për t’iu hequr zyrtarisht mandati, rënia e mazhorancës është shumë e afërt.
“Thjeshte, saktë, bukur! “Kështu i blemë e prapë do ti blejmë zgjedhjet”, thotë trafikanti.
Fakte që të gjithë shqiptarët i dinë, por falenderimet shkojnë për RAI-n, si mesash për të gjithë ata burokratë, sidomos eurodeputetë, që akoma përpiqen të mbrojnë një shtet krimimal si ky i Rilindjes! Rënia e këtij pushteti dhe parlamenti, blerë me para droge, shumë e afërt”, shkruan Spahiu.
Kronika u dha në emisionin e lajmeve TG2.
Spikerja: Pas protestave në Shqipëri kundër qeverisë, e akuzuar se ka raporte me krimin, i dërguari ynë, Leonardo Zelino hyn në strofullën e një trafikanti droge dhe armësh.
Kronika
(një person që bën gati një kllashnikov)
“Doreza për të mos lënë gjurmë gishtërinjsh, teksa prekim një kallashnikov, një armë që s’fal.
“Armën e përdorim për të mbrojtur mallin dhe për të vrarë njerëz, nëse është e nevojshme. Këto blihen 150 euro e më pas shiten 4-500 euro copa në Itali”.
Igli nuk shet armë. Ai bën “biznes” kryesisht me barin, është një grosist marijuane. Për të mbërritur tek shtëpia e Iglit, takohemi fillimisht me ndërmjetësin, përgjatë bregdetit, dhe me makinë ecim rreth 30 km deri në Shijak. Në hyrje të zonës duhet ta fikim telekamerën dhe me kapuç në kokë derisa të mbërrijmë në shtëpinë e Iglit.
“Këtu janë 10 kg. Kur vijnë blerësit, fillimisht ua jap ta provojnë. Nëse u pëlqen, i çoj tek magazina dhe marrin sa kile duan”.
Është e pamundur ta shohim magazinën, më thonë, pasi kontrollohet policore në vitin e fundit janë bërë të imtësishme.
“Ky mall do përfundojë tek ju, në Itali”.
Shijaku është zona e Avdylajve, e supertrafikantëve, të arrestuar shpeshherë, që në telefon, para zgjedhjeve të fundit të 2017-s, flisnin për vota. Njëri prej vëllezërve Avdylaj, në përgjimet e zbardhura nga Zëri i Amerikës, organi zyrtar i Shteteve të Bashkuara, falënderohet nga Vangjush Dako, kryebashkiaku i Durrësit dhe sekretari rajonal i Partisë Socialiste, që qeveris vendin. Dosja e përgjimeve ka ngecur në prokurorinë e përgjithshme tashmë prej dy vitesh, për shkak të lidhjes së hamendësuar me narkotrafikantët, për të cilën flet opozita parlamentare.
“Natyrisht, marijuana – lekë, lekët – pushtet, pushteti blen”.
“Në zgjedhjet e fundit kështu ndodhi?”
“Po. Ashtu siç do të ndodhë edhe në zgjedhjet e ardhshme”.
