Një infermiere në Shtetet e Bashkuara ka bërë një gjest mjaft prekës.
Infermierja e quajtur Maria, ka vendosur të heqë dorë nga profesioni i saj për të mos rrezikuar jetën e të atit.
Duke qenë se ishte çdo ditë në frontin e parë të luftës ndaj koronavirusit dhe masat mbrojtëse nuk ishin aq të forta, infermierja mori vendimin në fjalë.
Maria sqaroi për “The Sun” se asaj i duhej të përdorte një maskë për të gjitha turnet, por ajo e dinte shumë mirë që maska ishte e vlefshme vetëm 4 orë:
“Tani unë e di se ato maska zgjasin vetëm për katër orë, unë e dija se nuk kisha punuar në të vërtetë me ndonjë rast të infektuar me koronavirus akoma.
Më duhej të kujtoja se unë kujdesem edhe për babanë tim, dhe babai im është një nga njerëzit shumë, shumë delikat që mund të infektohet kollaj dhe thjesht nuk u ndjeva rehat duke vazhduar turnin duke e ditur çfarë masash mbrojtëse më ofruan.
Kam qarë për rreth dy orë në makinën time, ndjeva se vendimi ishte kundër gjithçkaje në të cilën besoj.
Kur hyra në këtë fushë duhej të ndihmoja njerëzit dhe të jepja më të mirën. Fakti që më është dashur të largohem, shkon kundër gjithçkaje që kaloj, por e dija se duhej ta bëja sepse nuk dua të jem përgjegjëse për infektimin e babait tim”.
