Sekretari amerikan i Shtetit, Mike Pompeo ka akuzuar administratën kineze se nuk i ka informuar në kohë, për përhapjen e koronavirusit.
Në një deklaratë për gazetën gjermane Bild, Pompeo tha se do të vija koha kur përgjegjësit do të duhet të japin llogari.
“Do të vijë një kohë kur përgjegjësit do të japin llogari. Jam shumë i bindur se kjo do të ndodhë. Tani jemi të detyruar që të fokusohemi në detyrën tonë aktuale që fillimisht ekonominë amerikane dhe më pastaj ekonominë globale ta rifillojmë në mënyrë sistematike, por do të vijë koha e akuzës. Qeveria kineze, Partia Komuniste e Kinës nuk na dha këtë informacion në kohë. Kjo është për të ardhur keq”, tha ai.
Pompeo tha se i ka parë raportet e tregjeve të kafshëve të egra në Kinë, që detajojnë se prej ku ka ardhur virusi, teksa shton se duhet siguruar që asnjë shtet të mos shkaktojë më diçka të tillë.
“Është e rëndësishme që të dimë se si dhe prej ku filloi virusi. I kemi parë raportet e tregjeve të kafshëve të egra në Kinë, që detajon se prej ku ka ardhur virusi. Ekonomia globale ishte e detyruar të mbyllet. Mbyllja e ekonomive është një çështje tragjike dhe do të kushtojë shumë. Duhet të sigurohemi se asnjë shtet më nuk do të shkaktojë një gjë të tillë”, shtoi ai.
