Drejtoresha e Inspektoratit Shtetëror Shëndetësor, Vjollca Braho është shtruar në spitalin e Sanatoriumit, ndërsa rezulton e infektuar me koronavirus. Brahos i kanë nisur simptomat para 10 ditësh, raporton ‘Abcnews.al’.
Ajo është ndër pacientet e para që transferohet nga Spitali Infektiv në atë Covid-2 pas rihapjes së këtij të fundit, për shkak të rritjes së infeksioneve me koronavirus përgjatë ditëve të fundit.
Vlen të theksohet fakti se Braho ka qenë pjesë e grupeve të kontrollit në terren.
Sot Ministrja e Shëndetësisë, Ogerta Manastirliu njoftoi aktin e ri normativ të qeverisë, ku maska bëhet e detyrueshme në ambjentet e mbyllura.
Manastirliu paralajmëroi gjoba, për të gjithë ata që nuk zbatojnë këtë akt normativ.
Gjatë 24 orëve të fundit janë raportuar edhe katër viktima të tjera, mes tyre një 21-vjeçare.
