Ditën e djeshme u bë virale videoja e një amerikani i cili këndonte në mes të New York-ut këngën e Sinan Hoxhës në gjuhën shqipe.
Videoja në fjalë tërhoqi edhe vëmendjen e kryeministrit Edi Rama, i cili e shpërndau atë në Instagram. Mjaft i impresionuar, Rama ka shkruar krah saj: “Fantastike!”
Mirëpo përpos Ramës, ai na ka surprizuar dhe befasuar të gjithëve në paradën e shqiptarëve në New York. Madje përveçse këndonte me shpirt shqip, ai bëri edhe simbolin e shqiponjës me duar.
Por kush është Clayvion Winn, i riu që çmendet pas Shqipërisë?
Po t’i hedhësh një sy llogarisë së tij në Instagram vë re se ai i adhuron shqiptarët dhe gjuhën shqipe.
Clayvion ka ndryshuar emrin e tij në rrjetin social në fjalë dhe të gjithë ndjekësit e identifikojnë si “Klej Zezakaj”.
Ja edhe një tjetër video ku ai shfaqet duke kënduar shqip.
