Ish-presidenti Hashim Thaçi dhe ish-kryeparlamentari Jakup Krasniqi, do të ulen sot në bankën e të akuzuarve, në seancën e parë para Dhomave të Specializuara në Hagë. Thaçi dhe Krasniqi do të dalin në seanca të ndara para Gjykatës Speciale, pasi të dyve iu është konfirmuar akt-akuza për krime lufte.
Konspiracionisti Alfred Cako, tha dje në rubrikën “Rrethi Katror” në “E Diell”, arsyet që sipas tij kanë dërguar në konfirmimin e akuzës së ngritur ndaj Hashim Thaçit. Cako aludoi se Thaçi ka dalë kundër “Iluminatit”, dhe për këtë arsye i është konfirmuar akt-akuza. Ai bëri edhe një parashikim të frikshëm, ku tha se ndër personat e radhës që do vihen në rrethin e kuq është edhe Avdullah Hoti. Sipas tij, edhe kryeministri aktual i Kosovës, Avdullah Hoti do të largohet nga posti, sepse sipas Cakos, ka “bërë një lojë të dyfishtë”.
“Çfarë ka ndodhur në Kosovë. U akuzua Hashim Thaçi. U akuzua dhe u thirr në Gjykatën Speciale, ai dha dorëheqjen sepse ishte i detyruar nga Gjykata Speciale. Kjo ndodhi sepse Iluminati nuk të fal, ata e bënë arrestimin.
Presidenti Thaçi filloi t’ia dridhte Iluminatit dhe Vuçiç, duke çuar për bisedime për t’u zgjidhur çështja e tyre në Uashington, dërguan njerëzit e tyre. Ndërkohë këto i kishin thirrur në Paris. Thaçi nuk pranoi të shkonte dhe tha që e ardhmja e rajonit do të vendoset në Uashington.
Këta nuk ia falën, të gjithë të bashkuar, të gjithë drejtuesit e Iluminatit në Bashkimit Evropian e targetuan. Natyrisht ata nuk e kanë shumë me Kadri Veselin, u thirrën edhe ata, unë mendoj që do të shpëtojnë.
Njëkohësisht ai që do të goditet do të jetë Avdullah Hoti. Ai do të goditet shumë shpejt sepse dëgjoi sugjerimin e Thaçit, dhe nuk pranoi ato të evropianëve për të shkuar në Paris. Ai vajti në Paris, por vajti dhe në Uashington për të pasur me të dyja palët mirë. Ai do të goditet shumë shpejt”, tha Cako.
