Ndonëse u munduan për një kohë të gjatë që ta mbanin të fshehtë lidhjen, paparacët kapën ‘mat’ Ilda Bejlerin dhe Klevis Balliun. Por pas shumë aludimesh, të cilët nga të dy palët i refuzuan, tashmë mësohet se ata i kanë dhënë fund lidhjes 2-vjeçare.
Lidhja e moderatores Ilda Bejleri dhe ish-deputetit të Partisë Demokratike, Klevis Balliu, arriti të mbahej shumë e fshehtë prej të dyve. Në prill të vitit të kaluar, moderatorja dhe politikani u mësua se i dhanë fund romancës së tyre.
Por më pas çifti u ribashkua, madje duke i bërë gjërat më serioze, pasi në verën e 2018-s planifikuan të bashkëjetonin.
Burime për “Gazetën Shqiptare” tregojnë se Ilda dhe Klevisi janë ndarë përfundimisht. Pavarësisht se debatet dhe ndarjet mes çiftit kanë qenë të shpeshta, sipas burimeve, këtë herë nuk do të ketë më kthim pas.
