Një miliarder, tregtar diamantesh ka vdekur në mënyrë tragjike pas një “sulmi në zemër” gjatë një operacioni në organin gjenital në Paris. Ehud Arye Laniado, 65 vjeç, ishte në një klinikë private të paidentifikuar në Avenue des Champs-Elysees në kryeqytetin francez të shtunën kur komplikimet gjatë operacionit rezultuan fatale.
Sulmi në zemër ndodhi kur një substancë u injektua në organin, njoftojnë mediat belge. Kompania “Omega Diamonds” e Laniado, e cila është me qendër në qytetin belg të Antwerp, konfirmoi vdekjen e tij.
Në deklaratën e firmës thuhej: “Lamtumirë biznesmenit vizionar. Me trishtim të madh konfirmojmë se ynë Ehud Arye Lanado ka vdekur “.
Një mik i 65-vjeçarit, i cili dëshironte të mbetet anonim, tha se ai ishte ‘gjithmonë i fokusuar në pamjen e organit gjenital dhe se si e perceptonin të tjerët. Ne në “Omega Diamonds” e quanim atë ‘argjentinasi’, sepse ai dukej si një balerin tango. Pas një jetë të jashtëzakonshme Ehud do të kthehet në Izrael në banesën e tij të fundit. Ai do të na mungojë shumë të gjithëve. ‘
Laniado thuhet se kishte në pronësi një shtëpi me vlerë 30 milionë paund dhe një në periferi të LA në Bel Air.
Eksperti i diamantit, i cili filloi karrierën e tij në Afrikë rreth 20 vite më parë nuk kishte shkuar në universitet dhe në fillimet e tij ka punuar si masazhist në hotelin Hilton në Tel Aviv.
Një mik tha: ‘Në Antwerp, doli se ai kishte disa talente. Ai ishte një nga ekspertët më të mëdhenj në vlerësimin e diamanteve.”
Në vitin 2015, Z. Laniado shiti diamantin më të shtrenjtë në botë të quajtur “Hëna Blu e Josephine” një biznesmeni në Hong Kong për 48.4 milion dollarë. Miliarderi belg-izraelit, pasuria e saktë e të cilit nuk dihet publikisht, ishte në telashe me autoritetet në vitin 2013 së bashku me partnerin e tij të biznesit Sylvain Goldberg.
Ata kanë pranuar në gjykatë një akuzë për evazion fiskal dhe e kanë mbyllur çështjen duke paguar plot 160 milion euro.
Megjithatë, pasi zyra e doganave belge dyshonte për dhënien e informacioneve të paplota për disa diamante të importuara nga Angola dhe Kongo, ata ende kërkonin 4,65 miliardë euro në tatime të papaguara.
Edhe pse dy gjykata hodhën poshtë kërkesën e zyrës së doganës belge, një gjykatë e apelit urdhëroi një gjykim të ri me Z. Laniado për shkak të paraqitjes në gjykatë më 14 mars.
Përshtati Tirana Today
