Koço Kokëdhima është përfshirë në debatin për legalizimin e kanabisit. I ftuar në studion e “ABC News”, kryetari i partisë ‘Zgjidhja’, ka reaguar për kthesën që ka marrë kryeministri Rama, për çështjen e lejimit të kanabisit për qëlllime mjekësore.
Ai tha se projekti dhe vizioni i kësaj force ka qenë që për ata të cilët kanë nevojë për medikamentet e kanabisit, ti marrin ato. Ai propozoi që Shqipëria të prodhojë industrinë medikale. Sipas tij, vendi ynë duhet të prodhojë me cikël të mbyllur medikamente që mund të shiten në tregjet evropiane e më gjerë.
Meqë e keni hedhur një ide të qartë për kultivimin e kanabisit, kanabisi që do të prodhohet në vendin tonë, do të jetë për konsum të brendshëm apo ka edhe tregti ndërkombëtare të marihuanës?
“Projekti dhe vizioni ynë ka qenë që së pari duhet të garantojmë të drejtat dhe liritë njerëzore në Shqipëri, që ata që kanë nevojë për medikamentet e kanabisit, ti marrin këto medikamente.
Janë 170 sëmundje sot në botë, që nuk kanë mjekim efektiv alternativ përveç mjekimeve me ilaçe që vijnë nga kanabisi.
Kjo nuk është një gjë e thjeshtë, është me rëndësi. Së dyti, Shqipëria duhet të prodhojë industrinë medikale, të prodhojë me cikël të mbyllur medikamente që mund të shiten në tregjet evropiane e më gjerë.
Tregu mjekësor i kanabisit është një nga tregjet me rritjen më të shpejtë se të gjithë tregjet e tjera”, tha ai.
Kokëdhima u shpreh se modeli më i mirë që mund të marrë Shqipëria në legalizimin e kanabisit është Kanadaja. Spas tij, ky shtet ka patur sukses në zhvillimin e këtij tregu, dhe ka siguruar që çdo hap të bëhet sipas përcaktimeve specifike të ligjit.
