Një ngjarje e rëndësishme e zhvilluar në Glasgow të Skocisë, ka gëzuar një shqiptare nga Kosova duke u bërë fituese e një çmimi nga “Kampionët e Komunitetit 2017”, shkruan eveningtimes.co.uk.
Pjesë nga artikulli
Një finale e madhe e mbajtur në Skoci, për komunitetin e Glasgow, ka kurorëzuar kampionët në vend.
Remzije Sherifi, e cila ishte një nga fituesit e parë të Grand Final, thotë se ajo kurrë nuk do ta harrojë momentin ku ajo u shpall fituese e çmimit “Shërbimi Publik”.
Aktivistja e komunitetit, e cila drejton rrjetin e integrimit Maryhill, kishte ardhur në Glasgow nga Kosova, ku ajo dhe familja e saj duhej të iknin për të shpëtuar jetën e tyre gjatë kohës së luftës.
Ajo ishte një nga gazetaret e para në Kosovë. Ajo humbi punën në vitin 1992 dhe pothuajse humbi jetën pasi regjimi i Milloshevicit e shtrëngoi dorën e tij mbi popullsinë shqiptare që jetonin atje.
Nën drejtimin e saj, “Rrjeti Maryhill Integration”, i cili vepron një program aktivitetesh në shëndetësi, mësim, art dhe vallëzim u shpall fitues i një çmimi.
Ajo gjithashtu përdori përvojën e saj si refugjatë për të ndihmuar të tjerët, të sapo ardhur në qytet shpesh nga zonat e luftës dhe vendet e rrezikut, duke i ndihmuar ata të vendoseshin dhe të kapërcejnin frikën dhe shterimin që shumë prej tyre ndienin pas provës së hidhur.
“Nuk mund ta besoja kur dëgjova emrin tim në finalen e madhe – ishte shumë emocionuese për mua,” kujton Remzije me një buzëqeshje.
Remzije, e cila tani është një gjyshja, jeton në Garnethill me burrin e saj. Çifti ka tre djem, të cilët tani janë rritur dhe drejtojnë bizneset e tyre. Që nga viti 2009, ajo ka fituar një sërë çmimesh të ndryshme, duke përfshirë më së fundi një nga shoqata “Saltire Outstanding Woman”.
“Unë kam qenë shumë me fat për të fituar çmime për punën time në komunitet, por trofeu i Champions of Glasgoë Community ishte i pari – dhe ajo që ndjej është më e veçantë,” buzëqesh ajo.
“Më thanë që këtu në Glasgow, ju i trajtoheni njerëzit si të barabartë, pa marrë parasysh se nga keni ardhur, çfarë moshe jeni, çfarë bëmë për të jetuar. Isha aq e ngazëllyer dhe çmimi i marrë në Kampionët e Komunitetit, ka një vend të veçantë në zemrën time. Glasgow është një qytet i veçantë, në fakt – është shtëpia ime dhe zemra i përket atij”.
Ajo vazhdoi: “Si prind, di që djemtë e mi kurrë nuk do të kishin lulëzuar apo mbase mbijetuan nëse do të kishim qëndruar në Kosovë dhe i kam parë ata të rriten dhe të bëjnë mirë këtu, gjë që ka qenë e mrekullueshme. Ishte një shans i dytë për ne që të vinim këtu. ”
Ajo buzëqesh: “Fitimi i një çmimi nga Kampionati i Komunitete është diçka që kurrë nuk do ta harroj. Më dha ndjenjën e përkatësisë. ” TIRANA TODAY
