Kuvendi i thirrur nga Berisha shpalli sot Azem Hajdarin kryetar nderi të PD. Djali i vogël, që mban emrin e liderit të Lëvizjes Studentore të Dhjetorit, falenderoi Kuvendin për vlerësimin e të atit dhe u bëri thirrje të rinjve që të bashkohen me PD-në. Teksa falenderoi mbështetësit për pjesëmarrjen, ai u shpreh se ky Kuvend lartësoi Partinë Demokratike.
“Falenderoj PD-në për vendimin që vlerësoi babanë tim si President i përjetshëm i kësaj partie. PD është mbi çdo pjesëtar, është thirrja e zemrës së njeriut. Në ditë si kjo dhe në ditë si ajo që ka luftuar PD-ja, dua të them se njeriun dhe plumbi nuk e lufton dot, por e bën të pavdekshëm.
Ftoj të gjithë moshatarët e mi dhe të gjithë rininë që të investojnë në tokën, dheun e nënës dhe babait të tyre. Shpresoj që ky kuvend dhe çdo kuvend që PD të mbajë të jetë në përmirësimin e kësaj partie, që ka qenë aty në momentet më kritike të vendit”, tha ai.
