Qarku i Gjirokastrës ka konstituuar ditën e sotme Këshillat Bashkiakë, të cilët kanë nisur tashmë punën.
Si fillim u konstituua Këshilli Bashkiak i Tepelenës, dhe më pas është betuar kryebashkiaku, Tërmet Peçi, i cili doli nga zgjedhjet e 30 qershorit.
Pjesë e këtij procesi ishin dhe deputetët e qarkut Bledi Çuçi dhe Mirela Kumbaro, si dhe prefekti Astrit Aliaj.
Ajo çfarë ra në sy ishte zgjedhja e Peçit, për të veshur një kravatë ngjyrë vjollcë që simbolizon Partinë Socialiste, si edhe fakti që dy punonjës të policisë bashkiake qëndronin pas tij, si truproja nderi me kostum ceremonial, gjë që ndodh për herë të parë.
