Në pikun e temperaturave të larta dhe debatit të nxehtë për zgjedhjet e 30 qershorit, palët politike nuk lënë shkas pa u hakmarrë. Mesazhet e ndërsjellta mes tyre, dëshmojnë se janë të palëkundur në objektivat e tyre.
Kryefjala e ditës tashmë është shkarkimi i Metës, e ndërsa bashkëshortja e tij, kryetarja e LSI-së, Monika Kryemadhi, nuk ka lënë ‘gur pa lëvizur’ bashkë me kreun e PD-së, Lulzim Basha, lidhur me shtyrjen e zgjedhjeve.
Ndryshe nga sa jemi mësuar, duke e parë me një veshje më zyrtare, Kryemadhi duket se ka bërë sot një përjashtim, ndërsa është parë e veshur me një stil që i përshtatet, por është larg zyrtares.
Ajo ka shkuar sot në zyrën e kryedemokratit Lulzim Basha, për të vendosur mbi aksionin politik të radhës. Fotot në fjalë nuk kanë nevojë për shumë komente, e ndërsa veshja tashmë është kthyer në plan të dytë, ndërsa misioni i opozitës së bashkuar është ajo që i mban të karikuar.
