Një situatë paksa e vështirë ka qenë dje për një konkurrent, i cili iu bashkua tetë djemve në “Për’Puthen” në Top Channel. Me mjaft sportivitet u bë pjesë e emisionit, por protagonizmi i tij u shua mjaft shpejtë, pas përballjes me dy vajzat. Ato menjëherë u hodhën në veprim, duke ia marrë vëmendjen Marenit. Ky i fundit mendoi të vinte me “surpriza” për vajzat. Ai hyri në emision me dy kupa të vogla, një me sheqer dhe një me piper.
Kupën me sheqer ia dhuroi Inës, si për t’i kërkuar që të jetë më e ëmbël. Nga ana tjetër, Antonetës i dha atë me piper, sepse sipas tij është më e ëmbël seç duhet. Por ky gjest nuk është pritur aspak mirë nga vajzat, të cilat e cilësuan si një shaka pa kripë dhe tentativë të dështuar për t’i tërhequr vëmendjen.
Ja se çfarë tha Ina: “Mareni duhet ta kuptojë që një femër është shumë më komplekse dhe është një përzierje e sheqerit, piperit, specit djegës, kripës. Dhe kur ta kuptosh dhe ta besosh dhe ta mendosh që një femër është ashtu, besoj se mund të kesh një shans për të dalë me mua”, tha bukuroshja. Ajo iu afrua Marenit, duke ia kthyer mbrapsht kupën, ku bashkoi piperin me sheqerin.
