Debate të shumta janë shkaktuar në puntatën e djeshme në “Përputhen”. Ana, vajza e cila ra në sy që në puntatën e parë, për elegancën dhe sharmin e saj, ka shpërthyer në lot pas komenteve negative që kishte marrë në rrjetet sociale.
Teksa në studio po diskutohej mbi komentet negative që konkurrentët kanë marrë në rrjetet sociale, kur erdhi radha e Anës, ajo shpërtheu në lot pas një komenti që i përmendte të atin. Bora tregoi se Ana e ka humbur të atin pak muaj më parë, dhe komentet e tilla janë të rënda për të.
“Kjo është thembra e Akilit tek unë, kjo gjë më prek sa herë ma kujtojnë. Unë mendoj se ai është shumë krenar për mua atje ku është. Ai diti të rriste një fëmijë të lirë dhe që di të jetë e zonja vetes për çdo gjë”, u shpreh Ana me lot në sy.
