E martë, 26 Janar, 2021
5 C
Tirana

I publikoi foton në shtrat, Ana e “Për’Puthen” çon gjykatë konkurrentin

Pak ditë më parë, në rrjet u bë virale një foto nga shtrati, ku ndodheshin dy konkurrentë të “Për’puthen”. Ky gjest ishte në shkelje të rregullave të emisionit, por edhe më e rëndë ishte fakti se shumë skena po bëheshin në fshehtësi të plotë. Kjo ka sjellë një situatë të tensionuar, e ku produksioni i emisionit kërkon të dijë se çfarë ka ndodhur në të vërtetë dhe se çfarë fshihet pas asaj fotoje.

Ana, konkurrentja e “Për’Puthen”, nuk ka preferuar që të shkojë në emision, por në një lidhje live nga banesa e saj, ka shpjeguar foton e publikuar nga Arjoni para disa ditësh, ku ajo ishte duke fjetur gjumë në shtratin e tij. Ajo thotë se nuk kishte asnjë informacion në lidhje me foton, dhe se atë ditë shkoi në shtëpinë e tij pasi ishte sëmurë. Sipas saj, në krevat ishte vetëm ajo, pasi e kishte zënë gjumi nga lodhja.

“Dua të jem shumë e fortë dhe u bëj thirrje vëllezërve që të mos bëjnë gabime, e të mos pendohen si unë. Unë jam treguar e drejtë. Po fotoja është e vërtetë. Dua të sqaroj të gjithë situatën nga fillimi, dhe ndjesë për të gjitha emocionet. Ka qenë ai që më ka thënë hajde dhe unë kam shkuar. Përsa i përket fotos, kam qenë në gjumë dhe e pavetëdijshme. Ka qenë një natë që djali ka qenë pa terezi, dhe shkova ta takoja. Më datë 3 nëntor ishte para takimit të dytë, aty shikohet që kam qenë me rroba. Fotoja është bërë në shtëpinë e Arjonit, se jemi në një lagje. Ai ka qenë sëmurë dhe i thashë që po kaloj që të sjell ndonjë ilaç dhe shkova të bisedoja, më ka zënë gjumi. Duhet të më ketë zënë gjumi se shkova tek ora 1, 2. Kjo ka qenë e qëllimshme nga ana e Arjonit. Kur më ka zënë gjumi, ka qenë ora 5 e mëngjesit. S’ka pasur asnjë marrëdhënie intime, pavarësisht se fotoja ka treguar shumë”, tha Ana.

Ana është shprehur në “Për’puthen” se ka bërë dy denoncime ndaj Arjonit në gjykatë, dhe se do t’i shkojë deri në fund kësaj çështje. “Nëse ka pasur një marrëdhënie intime, pse ka bërë një foto në gjumë, nëse ka foto të tjera t’i nxjerri të gjitha. Nuk isha në dijeni të këtyre fotove. Kur pata debatin me Arjonin, ai më tha që do pendohesh që nuk do sillesh mirë me mua, më kërcënoi. Unë kam bërë dy denoncime, një civil dhe një penal. Unë do e çoj këtë çështje deri në fund. Ai se di se sa e ka dëmtuar familjen time. Nuk gjej dot një përgjigje të saktë të kuptueshme për trurin se përse e bëri. Me sa di unë, Arjoni ka motër vetë”, tha Ana.

- Reklama -

Më shumë nga kategoria




Të fundit

Përgjimet/ Studiuesi Baçi: Rama po i gënjen shqiptarët çdo ditë

Studiuesi dhe analisti Agim Baçi, ka komentuar zhvillimet e fundit në vend, teksa është ndalur te përgjimet e antimafias italiane, të cilat lidhin disa...

Aksident i rëndë në Vlorë, humb jetën një person

Një aksident i rëndë ka ndodhur mbrëmjen e sotme në aksin e vjetër Vlorë-Fier, në fshatin Cerkovinë. Si pasojë e aksidentit ka humbur jetë një...

Merrte para në këmbim të lejeve të legalizimit, pranga drejtorit të Kadastrës

Drejtori i Agjencisë Shtetërore të Kadastrës në Drejtorinë Rajonale Berat, Ervin Nelaj ka rënë prangat e policisë. Ndaj 38-vjeçarit, është ekzekutuar masa e sigurisë ‘’Arrest...

I dënuar për vrasjen e 4 oficerëve, Dritan Dajti dërgohet me urgjencë në spital

I dënuari për vrasjen e 4 oficerëve të policisë, Dritan Dajti është dërguar në spitalin e QSUT-së, teksa mësohet se do t'i nënshtrohet një...

Pse BE duhet të shpejtojë me integrimin e shpejtë të Ballkanit në union

Nga: Srđan Cvijić & Dimitar Bechev “European Western Balkans” Në vitin 2006, Javier Solana, kreu i atëhershëm i diplomacisë së Bashkimit Evropian, deklaroi se misioni...