Menjëherë pas protestës së zhvilluar sot në orët e para të ditës në Lezhë, ku dhjetëra qytetarë i prenë rrugën kryeministrit Edi Rama që do shkonte në Pukë, policia ka shoqëruar 11 protestues. Ndaj këtyre shtetasve ka nisur dhe procedimi penal.
Personat në fjalë janë shoqëruar në policinë e Lezhës, pasi akuzohen për ‘tubim të paligjshëm’ dhe ‘bllokim rruge’.
Ndër të shoqëruarit në komisariatin e policisë së Lezhës është edhe nënkryetarja e Bashkisë Lezhë, Alfrida Marku.
