Blog

Video e rëndë/ Polici amerikan e qëllon me armë duke e filmuar të dyshuarin

               Publikuar në : 14:40 - 19/02/19 S.N

Policia amerikane ka publikuar disa pamje filmike që tregojnë se si një zëvendës sherif në Arizona përballet me një të dyshuar, të cilin e qëllon me armë. Sipas policisë, i dyshuari kishte lidhje me Shtetin Islamik (ISIS).

Oficeri Brandon Wells shtiu mbi Ismail Hamed, 18 vjeç, në afërsi të një nënstacioni policor në Maricopa. Ngjarja ndodhi muajin e kaluar, pasi Hamed thirri 911, duke u thënë operatorit se kishte një thikë në duar.

“Emri im është Ismail Hamed”, tha ai. “Unë jetoj në Fountain Hills, dhe dua ti fal besnikërisë time Shtetit Islamik të Irakut dhe Sirisë. Dua vetëm që policia të vijë sa më shpejt, sepse dua të merrem me ta”.

Kamera e montuar në trupin e policit Wells tregon se si Hamed afrohet. Polici kërkon letërnjoftimin e tij. Një çast më pas Hamed fillon të hedhë gurë drejt oficerit.

Wells i drejton armën Hamedit dhe i thotë të tërhiqet. “Largohu tani! Hidhe thikën!” – përsërit disa herë Wells, por Hamed vazhdon të afrohet.

Ndërsa Hamed vazhdon t’i afrohet, oficeri hap zjarr dy herë dhe Hamed bie në tokë. Fatmirësisht polici e qëllon vetëm për ta neutralizuar. Hamed u arrestua dhe mbetet në paraburgim. Ndaj tij janë ngritur akuza për sulm ndaj policisë dhe terrorizëm.

Zyra e Prokurorisë së Qarkut Maricopa tha se Hamed “me dashje ose me vetëdije, ka ofruar këshilla, ndihmë dhe asistencë për ISIS”.

Përktheu dhe përgatiti: TIRANA TODAY

Kthehu
WhatsApp Denonco ne TT