Një ngjarje e shëmtuar është regjistruar në qytetin e Sandërlend, ku protagonist ka qenë portieri i kombëtares angleze, Xhordan Pikford. Gardiani që mbron portën e Evertonit, është përfshirë në një grindje masive, në ambientet e jashtme të një lokali nate, teksa mësohet të ketë qenë në gjendje të dehur.
Mediat britanike zbulojnë se shkak i sherrit ka qenë ngacmimi i të fejuarës së portierit, teksa ky i fundit nuk është përmbajtur. U desh ndërhyrja e njerëzve të pranishëm në dalje të Pub-it që situate të qetësohej disi.
Videoja e momentit të përplasjes së portierit të Anglisë është shpërndarë me shpejtësi në rrjetet sociale, teksa mësohet se klubi i Evertonit ka nisur një hetim për këtë histori.\
