Disa ditë më parë Shqipëria shprehu solidaritetin për Italinë, duke dërguar 30 mjekë e infermierë.
Këto të fundit çdo ditë po japin kontributin e tyre në shtetin fqinj, që është një nga vendet më të goditura në botë nga COVID-19.
Ministrja e Shëndetësisë Ogerta Manastirliu së fundmi ka publikuar një video në rrjetin social Instagram, ku shfaqet një pacient italian me koronavirus, i cili u përlot teksa falenderoi mjekët shqiptarë.
“Suela dhe Eduardi po përmbushin misionin e tyre humanitar në ndihmë të popullit mik italian, për të cilin ruajnë një lidhje të veçantë.
Sot, ata kanë mirënjohjen e pacientëve të prekur nga #covid19 në spitalin e Breshias dhe të gjithë së bashku, 30 mjekë e infermierë shqiptarë që po shërbejnë në vendin fqinj në këto ditë të vështira, kanë mirënjohjen dhe respektin e të gjithëve ?????? #Bashkë”, shkruan Manastirliu.
https://www.instagram.com/p/B-4_BnBgR4y/?utm_source=ig_embed
