I infektuar me Covid-19, humb jetën studenti 21-vjeçar i mjekësisë

Një 21-vjeçar nga Librazhdi ka humbur jetën, pas infektimit me Covid-19. Ai është Emiljano Tola, student i fakultetit të mjekësisë.

Lajmin e ka bërë të ditur vetë dekanati, teksa e përshkruajnë si një student të shkëlqyer.

“Një rrugëtim i ndërprerë në gjysmë! Sot mungon mes nesh Emiljano Tola. Student i shkëlqyer i vitit të tretë në programin mësimor Mjekësi e Përgjithshme. Dekanati i  Fakultetit të Mjekësisë, shpreh ngushëllimet më të sinqerta familjes për këtë humbje të madhe. U prehsh në paqe”, shkruan dekanati.

Ekspertët e lidhin infektimin e moshave të reja me mutacionet e Covid-19, të cilët kanë ndikuar në uljen e grupmoshave të prekura si edhe janë më fatal. Gjatë ditës së djeshme, u raportuan 449 raste të reja dhe 8 viktima nga Covid.