Policia i hoqi patentën djalit të ish-kryeministrit Berisha, Shkëlzen Berishës, pasi e kapi duke udhëtuar me shpejtësi pranë një qëndre tregtare.
Sot ai ka ngacmuar ndjekësit, ndërsa ka publikuar foto duke bërë xhiro me makinë, në shoqërinë e partneres së tij, Armina Mevlanit. Siç duket, drejtimin e makinës ia ka besuar bukuroshes, e ndërsa bashkëngjitur fotove të shpërndara në Facebook ai ka shkruar: “Patenta” e re.
Pak ditë më parë, u raportua se djalit të ish-kryeministrit Sali Berisha, Shkëlzen Berishës, i është hequr leja e drejtimit të makinës për shkak se po udhëtonte me shpejtësi.
Me anë të një reagimi, ai ka kërkuar ndjesë, pasi shpejtësia është një rrezik për jetën e të gjithëve, teksa thekson se në asnjë moment nuk ka kundërshtuar policinë.
