Një shtetas shqiptar është arrestuar në Amsterdam, pasi në aeroportin e Schiphol ka ndodhur një ngjarje e pazakontë. Teksa ka qenë duke ecur në brendësi të terminalit, 30 vjeçarit i ka shpërthyer valixhja dhe prej saj kanë fluturuar jashtë me mijëra euro.
Ngjarja ka tërhequr vëmendjen e të gjithëve. Menjëherë stafi i aeroportit ka njoftuar policinë, të cilët kanë ndaluar shqiptarin. Nga kontrolli i policisë, shqiptarit iu gjetën 50 mijë euro, për të cilat 30 vjeçari nuk kishte një alibi bindëse.
Autoritetet e kanë prangosur dhe e kanë nisur drejt qytetit për të vijuar me hetime të thelluara.
