Siç ishte paralajmëruar Presidenti i Serbisë, Aleksandar Vuçiç i’u drejtua sot serbëve lidhur me dorëheqjen e Ramush Haradinajt nga posti i kryeministrit të Kosovës. Dorëheqja e Haradinajt, sipas Vuçiç ka prapavijë politike dhe se e ka bërë për të rritur popullaritetin. Ai shtoi se Serbia duhet të reagojë me qetësi, maturi dhe pa eufori sepse siç thotë ai, nuk ka arsye për festë.
“Jeta e serbëve në Kosovë pas kësaj do të jetë edhe më e vështirë dhe urrejtja ndaj tyre është edhe më e madhe… Ne i kuptojmë pritjet dhe nevojat e popullit tonë për kënaqësinë e drejtësisë, njerëzit tanë që pësuan stigmën e fajtorit dhe përgjegjësin e vetëm për gjithçka që po ndodhte në territorin e ish-Jugosllavisë. Kjo është arsyeja pse ne e kuptojmë gëzimin, por një lloj kënaqësie me anëtarët e popullit tonë për shkak të thirrjes së Haradinajt për të marrë pjesë në një seancë dëgjimore dhe për shkak të faktit se ai dyshohet për krime lufte. Haradinaj do të kthehet nga Gjykata Speciale si fitimtar, edhe më i fortë dhe më popullor para zgjedhjeve të ardhshme në Kosovës”, tha ai në konferencën për shtyp.
Haradinaj dha ditën e djeshme dorëheqjen nga posti i kryeministrit. Kjo pasi ka marrë ftesë nga Gjykata Speciale në cilësinë e të dyshuarit. Menjëherë pas dorëheqjes së tij, ka pasur reagime të shumta si nga partitë në pushtet ashtu edhe nga partitë opozitare.
