Kryesore

“I është refuzuar viza për SHBA”, Vasili publikon dëshminë (Foto)

               Publikuar në : 20:22 - 16/05/19 Enno

Kryetarja e LSI-së Monika Kryemadhi, e pyetur nga gazetarja nëse nënkryetarit të LSI-së, Petrit Vasili i është refuzuar viza, Kryemadhi e mohoi, duke thënë se “në qoftë se ka njeri më me pa probleme është z. Vasili”.

“Jo, nuk besoj se i është refuzuar viza, z. Vasili, sepse në qoftë se ka njeri më me pa probleme është z. Vasili, megjithatë unë nuk e vendos dorën në zjarr as për fëmijët e mi dhe as për bashkëshortin tim. Ajo që dua të them është që në çdo rast, çdo ndarje e informacionit në raste të tilla me ambasadën amerikane dhe me LSI-në ne do të jemi të gatshëm, por mos harrojmë vetëm një gjë që z. Vasili ka qenë një nga bashkëpunëtorët më të mirë me z. Lu përsa i përket Reformës në Drejtësi dhe ka qenë një nga njerëzit, i cili ka nxitur dhe ka realizuar përfundimin e komisionit AD-HOC të Reformës në Drejtësi në Shqipëri”.

Ndërkohë, nënkryetari i LSI-së, Petrit Vasili  ka reaguar pas dyshimeve për mohimin e vizës nga Ambasada e SHBA, duke shpërndarë foton e pasaportës së tij që është pajisur me vizën amerikane një vit më parë ndërsa ka qenë i ftuar në një aktivitet të Kongresit Amerikan me ftesë të veçantë.

 

Kthehu
WhatsApp Denonco ne TT