Gjatë mbrëmjes janë djegur dy makina në pronësi të kryetares së Partisë Demokratike në Ulëz, Gjelina Kalthi. Kryetarja e PD-së ka reaguar për ngjarjen në fjalë për News 24 dhe e ka cilësuar si një sulm politik, ku shtoi se pas kësaj ajo dhe familja e saj ndihen të rrezikuar për jetën.
Kalthi u shpreh se ditën e djeshme ka qenë në mbledhje të kryesisë së PD-së së bashku me bashkëshortin e saj.
“Pasi mbaruam mbledhjen u nisem drejt Ulzës në njësinë administrative Baz pa arrit në Ulëz po bashkësinë e Matit jam ndalur me bashkëshortin dhe kemi darkuar te një kushëri i imi rreth orës 12 të natës kemi shkuar në shtëpi në Ulëz dhe para pallatit parkuam makinat si gjithmonë. Aty na bëri përshtypje që para pallatit nuk kishte asnjë makine të parkuar. Kjo na bën të mendojmë që është një skenar përgatitur politikisht dhe ndihemi të rrezikuar për jetën.”-tha ajo.
