Deteje të reja janë hedhur në dritë në lidhje me djegien e një mjeti luksoz në Vlorë. Makina ishte në pronësi të Burim Zyberit, një shqiptar nga Maqedonia e Veriut, i cili prej vitesh punonte në Gjermani, ndërsa në Shqipëri kishte ardhur për pushime.
Ai ka deklaruar në polici se nuk kishte konflikte me asnjë person. Mjeti që u dogj ishte “Audi R8”, model i fundit i vitit 2020, ka qenë i parkuar kur ka shpërthyer në flakë dhe paraprakisht policia dyshon për një zjarrvënie të qëllimshme.
Personi që i ka vënë flakën mjetit tip “Audi R8”, ishte me kapuç dhe kishte të vendosur maskën anti-Covid.
Personi në fjalë rreth orës 5 të mëngjesit ka shkuar në parkimin e makinave, dhe ka kërkuar makinën. Më pas ai ka bërë një telefonatë, për të verifikuar makinën dhe më pas i ka hedhur lëndën djegëse, duke i vënë flakën.
Policia dyshon se personi që i ka vendosur flakën makinës, është i porositur nga dikush tjetër.
