Shqipëria

I anuluan shfaqjen/ Mustafa Nano sfidon live shkodranët: Më prisni


               Publikuar në : 22:26 - 13/11/19 B H

Gazetari Musatafa Nano ka reaguar pas anulimit të shfaqjes së tij teatrale në qytetin e Shkodrës. Shfaqja e titulluar “Nuk ka kurva në këtë botë”, ishte lajmëruar për qytetarët e Shkodrës në faqen zyrtare të Teatrit Migjeni.

Por më pas, drejtuesit e teatrit i komunikua Nanos se shfaqja duhej të anulohej për shkak të reagimeve kritike të qytetarëve.

I ftuar në emisionin “Ftesë në 5” në Top Channel, gazetari e quajti të gjithë këtë si një veprim shumë ofendues dhe të pavend. Sipas tij, reagimet kundër shfaqjes kanë ardhur vetëm nga një pakicë dhe jo masivisht nga qytetarët shkodranë.

Më pas në një moment gjatë intervistës, Nano i kthehet kamerës duke i bërë një thirrje qytetarëve shkodranë se ai është i vendosur ta japë shfaqjen këtë të shtunë.

“Shkodra më prisni. Të shtunën në orën 18:00 jam në Shkodër për të dhënë shfaqjen”, tha gazetari.

Kthehu
WhatsApp Denonco ne TT