Një aksident i rëndë ka ndodhur në Greqi, ku si pasojë e të cilit ka humbur jetën një shqiptar.
Ngjarja është regjistruar mbrëmjen e djeshme në zonën e Pella, teksa makina me të cilën udhëtonte 36-vjeçari ka dalë nga rruga në një zonë të pyllëzuar. Sipas mediave greke, shqiptari është gjetur në kanal nga vëllai i tij, i cili ka njoftuar menjëherë policinë.
Sipas policisë, dyshohet se emigranti shqiptar ka humbur kontrollin e makinës duke e bërë të dilte nga rruga.
