Një aksident i rëndë është shënuar mbrëmjen e sotme në Shkodër, teksa një automjet ka dalë nga rruga dhe është përplasur me një pemë.
Ngjarja është regjistruar në fshatin Rrenc, të njësisë Guri i Zi. Sipas Panorama, Edison Huka, 32-vjeç, banues në Vrakë, Malësi e Madhe ka humbur kontrollin e mjetit dhe është përplasur me pemën.
32-vjeçari është dëmtuar rëndë dhe është dërguar menjëherë në Spitalin Rajonal Shkodër.
Shkodër/ Informacion Paraprak
Më datë 19.02.2020, në orën 17:45, në fshatin Rrenc, Njësia Administrative Guri i Zi, Shkodër, mjeti tip Mercedez-Benz, që drejtohej nga shtetasi E. H. 32 vjeç, banues në Vrakë, Malësi e Madhe, si pasojë e humbjes së kontrollit ka dalë nga rruga duke u përplasur me një pemë, për pasojë është dëmtuar drejtuesi i mjetit i cili është dërguar në Spitalin Rajonal Shkodër, nën kujdesin e mjekëve.
Veprimet po kryhen me grup hetimor për sqarimin e rrethanave të aksidentit.
