Një tjetër pacient ka humbur jetën ditën e sotme në spitalin Infektiv, duke e çuar në 42 numrin e viktimave nga koronavirusi në vend.
Sipas Ministrisë së Shëndetësisë, bëhet fjalë për një 69 vjeçar nga Kruja me leukozë akute.
“Pavarësisht mjekimit intensiv prej 10 ditësh dhe përpjekjeve të stafit mjekësor, nuk arriti të mbijetojë. Ministria e Shëndetësisë i shpreh ngushëllime familjes së të ndjerit”, thuhet në njoftimin e ministrisë.
Kujtojmë se vetëm ditën e djeshme, humbën jetën 3 persona nga koronavirusi në Shqipëri.
