E enjte, 21 Tetor, 2021
8.5 C
Tirana

Hoxha: Nano vjen nga familje policësh, të atin ia shkarkuan për kapjen e drogës

Gledis Nano është emëruar drejtori i ri i Përgjithshëm i Policisë së Shtetit. Nano e ka kaluar Vettingun e Policisë, dhe tashmë në detyrën e re, do të përballet me sfida të vështira, të cilat vijnë të trashëguara nga paraardhësi i tij Ardi Veliu. Kriminaliteti, trafiku i narkotikëve dhe siguria publike janë shtyllat ku pritet të fokusohet drejtuesi i ri.

Gazetari investigativ Artan Hoxha, ka komentuar dorëheqjen e drejtorit të Përgjithshëm të Policisë së Shtetit, Ardi Veliu, duke theksuar se ishte një ushtar politik, ndërsa vlerësoi figurën e kreut të ri të Policisë së Shtetit. Ai zbuloi se kreu i ri vjen nga një familje policësh. E ndërsa të atin ia kanë shkarkuar nga detyra, pasi ka kapur 60 kg heroinë në Elbasan.

“Gledis Nano është me origjinë nga Skrapari. Babai i tij ka qenë polic, ai është rritur në një familje policësh. Duket e pafavorshme mosha e tij e re. Por nga ana tjetër, kjo e ndihmon atë që të mos ketë një rreth të madh shoqëror dhe miqësor që ta ndikojë në punën e tij. Babai i tij ka qenë oficer i lartë i policisë.

Ka qenë në rangun e drejtorit të policisë së qarkut, madje mbahet mend që në vitin 1998 kur ishte drejtor i Elbasanit, ka kapur një sasi heroine prej 60 kilogramësh që vinte me maune nga Turqia dhe ishte për llogari të një biznesmeni me lidhje të forta me kryeministrin e kohës. Për këtë shkak e kanë shkarkuar nga detyra”, tha Hoxha.

“Gledisi ka patur më shumë marrëdhënie me partnerët amerikanë. Për mua gabimi i Veliut përveçse ishte ushtar politik, ai nuk kishte komunikim me mediat. Policia e Shtetit është shumë e madhe dhe 100 ditëshin e parë Rama u mor me policët e qarkullimit”, u shpreh Hoxha.

Lexo edhe :   Aksion i madh në Lezhë, goditet grupi kriminal

Ardi Veliu u fut dje në listën e drejtorëve të Përgjithshëm të Policisë së Shtetit, që nuk e përfundoi dot mandatin e plotë 5-vjeçar në këtë post. Veliu i dorëzoi kryeministrit Edi Rama letrën e dorëheqjes, ku shkruante se do i përkushtohej më shumë familjes. Kjo dorëheqje erdhi 10 ditë para përfundimit të afatit 100 ditor që kryeministri Edi Rama kishte vënë për riorganizimin e Policisë së Shtetit.

Lexo edhe :   “Jeni të gjithë në provë!”, Nano prezaton drejtuesit e rinj të policisë
- Reklama -

Më shumë nga kategoria




Të fundit

Paloka reagon pas deklaratës së Bashës: Ndal përçarjen!

Deputeti i PD-së dhe njëherazi kryetari i Këshillit Kombëtar, Edi Paloka, ka reaguar pas deklaratës së liderit të partisë Lulzim Basha, i cili tha...

77 mandate PS-ja?

Nga: Eduard Zaloshnja “Do të kishim marrë jo 74, por 77 mandate, nëse shumë nga ata që na votuan nuk do të kishin ngatërruar numrin...

‘Reshje shiu me intensitet të ulët’, parashikimi i motit për nesër

Duke filluar nga dita e nesërme, mbi vendin tonë depërtojnë gradualisht masa ajrore të paqëndrueshme me origjinë veriperëndimore. Moti parashikohet me alternime kthjellimesh e vranësirash...

A duhet shtetëzuar transporti urban?

Nga: Klodian Tomorri Ka patur një debat mes ekonomistëve nëse shërbimi i transportit urban është apo jo monopol natyror? Evans në vitin 1991 studioi shërbimin...

Do jepni dorëheqjen nga PD? Basha: 95% e demokratëve më duan

Në një prononcim për gazetarët nga selia blu, kryedemokrati Lulzim Basha tha se 95% e demokratëve e duan në krye të betejës. Nga ana...